4\7\2010
اليوم اول شغل حقي فالمستشفي
وهذآ جدولى
وصلت انا ونادين على الساعه 8 جريب التسع ، دخلنا مكتب المشرفة مريم ~ أخت ارفيجتي فالكلية
فرحانيين والابتسامه شاقه الويه
نقولها اكيد احنا اول ناس 
قعدت تضحك كان خوش انطباع من اول يوم ههه
حبايبي انتوا وايد متأخرات وارفيجاتكم وزعناهم على المكاتب والاقسام
وبدوأ الشغل @@ !
قعدنا نستسمح منها وجيه وونقط كلمتين نقردنهأ ههه
وحليلها طيوبه وعسوله وحبوبه مع الكل
فـ قعدت تشرح لنا كيف بيكون اول يوم لنا ، وانه شغلنا وايد حساس ويباله سريه تامه
وخاصتا الناس الى بنتعامل وياهم أنواع ( ناس كويسين وحلوين \ ونآس ودهم يعطوك اصطارين على الويه )
و بعد الشرح كله عرفتنا مريم على الاقسام الادارية
ونادين بيكون شغلها مع سكرتيرة المدير \ وعلى قولتها
الكل وياها طيبيين ويساعدونها ومدلعينهآ على الاخر
اما انا بيكون شغلى فخدمة العملاء ، مثل : تصديق الاجازات المرضية
طباعة تقارير الطبية و نرد على استفسارات المراجعين
وتسجيل مواعيد المرضي والمراجعين للعياداة الخارجيه
واستلام رسوم الطابع المالى :)
اربع بنات وياي فالقسم الى انا فيه
ام محمد مشرفتي فالقسم و حورية و فاطمة و سميرة
فديتهم والله حسسوني مو غريبه عليهم
وقت الريوق يحلفوني الا أكل وانا اقولهم مأبا مابا < ولا انا ودي اول وحده تبلع عنهم الاكل 
ويضحوك ويتغشمرون ويعلقون على كل حبه حبه
اهم شي يتونسون وينسوا تعب الشغل عليهم
مرت عليهم مديرة مركز المعوقين وقعدت فالقسم ويانا
سوآلف عليها ههه وحليها قعدت توصيني بعد ما اخلص كلية اشتغل وياهم
عطتني امـل وايد حلو على قلبي و ان شاء الله مآ يتغير :)
وفمناسبة اني بعدي اول يوم وما اعرف الشغل
علموني شوي شوي عشان استوعب كيف يكون شغلى منظم ودقيق
مممم مروا عليه مراجعين مثل العسسل و في منهم الله يستر عليهم انطباعهم كلش مو لايق
واحنا ما نعتب على كبار السن ولا الصغاريه \ العتب على شبابنا وبناتنا المتعلمين والواعين
حلاته الواحد يكون بأسلوبه راقي ومهذب مو يقط كلمتين تعكس شخصيته من داخل
الموهييم
دوام المتطوعات يخلص 1 الظهر عكس الموظفات لين الساعه 2 ونص
اتصلت للسوآق قومتة بعز شخيره خلييته يمر عليه بنهاية شغلى
رجعت البيت سبحت وصليت وتغديت و قعدت ويا اهلى اقرقر وقرض واقولهم عن المراجعات الى موصيني اسلم على الوالده
هههه والله يوم مآ يتعوض
تسدحت على الشبريه وانا افكر لبعد سنه مو لباجر
قاعده اخطط ان شاء الله السنه اليايه بتطوع وين.png)
.png)
اهـم شي استغل اجازتي بشي يفيدني لجدام
و اجمع كم شهادة وآعلقها بالغرفه ههه
لين الله يفرجها واتخرج على خير
و اشتغل بدون واسطه
هناك 17 تعليقًا:
حلو وايد العمل التطوعي خاصة بالمستشفى، عالم ثاني .. وزين تسوين بدال القعدة بالبيت على الأقل تتعلمين شي بهالعطلة.. وضحكت لما قلتي انكم رايحين متأخر :) وموفقة يارب
يا هلا والله
انورت واسفرت :)
وآآآآيد حلو والحمدالله الكل مستانس عليه حتي اليوم المنطقة التابعة لوزارة الصحه بمدحون فشغلي وحليلهم مآ قصروا والله ..
لوول تسلم قلم ومسّاحة يعلك مديم بالوناسه والخير ..
ما شاء الله زين تسوين ..
والله لولا الميداني جان خذيت تطوع بنادي المعاقين .. بس الدراسة ماخذة وقتي كلة ..
بس وين بأي مستشفى ليكون في نفس المستشفى اللي ماخذه ميدانية فية خخخ ..
عساج ع القوة حبوبة ^_^
انتي وين وانا وين هههه :p
يلا ماشي باجي ان شاء الله على الميداني وبتتخرجين على خير
الله يقويـج ويسهل عليك يآرب غنآتي
والله زين تسوين منها تساعدين وتستفيدين من وقت فراغج ومنها تكتسبين خبره وتتعلمين , التجارب اهي اللي تسقل الانسان وتساعده ع تكوين نفسه , وحلو موقعج راح يساعد ع الاحتكاك بالناس ..
والحمدلله انج مع ناس زينه وتعاملهم اوكي ..
موفقه يارب ويعطيج العافية
الله يجعله في ميزان حسناتج يارب
زيارتي الاولى في المدونة وان شاءالله مو الاخيره
:)
الحمدالله حبيبتي
تعرفين نوع من هالشغل يكسر الحاجز من الخوف او مثلا الخجل
ويخليج اجتماعية لأبعد حدود
يلا الله يوفقنا ويوفقك كل الجمييع
وها بداياتي .. وان شاء الله ما تكون نهآياتي
شاي الضحي
وربي نورتي و فرحتني شوفتج ^^
اييه ان شاء الله تكون مو الاخيره
عساج عآلقوه ياربي
تفكيرك جميل جدا
نبي ناس نفسك مو بس يفكرون في حالهم
يفكرون بالبلد و التطوع لانه بالاخير اجر و في ميزان اعمالنا
بس صج الله يعينك خدمة العملاء اكثر المواقع تعامل مع الناس و بتشوفين انواع غريبه عجيبه
>>> نفس بعض المرضى اللي متوهق فيهم
بس الميزة فيه يكسب لك خبره رائعه في التعامل مع البشر و معرفة اطباعهم بمجرد النظر لهم و هذا يسهل لك حياتك بشكل عام
اهم شي عاد مو تقضون الوقت بالاكل و الحش في خلق الله ترى هالنوعيه من الموظفات اللي طفشوني وانا اسوي اوراقي قبل التعيين
الله يوفقك و بأنتظار يوميات متطوعه
مشكور :$
فييه وآيدين يحبون انهم يتطوعون من خاطرهم
بس عدنا اغلبية اهالى شوي معقدين او انهم ما يرضون بنتهم تشتغل فمكان عام
وهالأشي احس نوع من انعدام الشخصيه فـ بنتهم
وعلى فكره اهلى كانوا مو راضين
مو عسب شباب ولا بالعكس
انا حساسه وما استحمل ساعات الكلمه الى اتيني
والمكان الى اشتغل فيه حساسيه زآيده بينا وبين الى يراجعونا
عادي يصارخون عادي يقطون كلمة سوقية
مثل اليوم واحد من المرضي عمره يمكن بالعشرينات ولا الثلاثينات
يكلم وحده من الدكاتره بس جنسيتها هندية
فيقولها انتي ليش مو مزوجه
يبالج واحد (عقب قال سبه بالهندي \ علشان يتزوجج) وايد وسخه الكلمه ..
فعيب والله
يعني فيه وايدين من المراجعين والمرضي برع يضحكون والى يعلق يقول هآ قلقل ادب جيه يقول
فيه احد يحب الناس تتكلم عنه
اكيد لأء
ههههه الله يعينك والله
هيه انا جييه احس هال3 ايام قالوا ما شاء الله عليج غير عن المتدربات الى ايونا
بسرعه اتجاوبتي بالشغل
و ما علييك
صح انهم طيبات فوق الخيال ومو يقصرون وياي
بس وقت القرض وجيه اسكت و يمكن ابتسم
وانا ما احب هالنوع انه يقرضون بألى رايح وراد
سبحان الله دام جيه يسون اكيد بسونها فيني بعد
والله يوفقك الجمييع ياااااااارب
يعطيج العافيه ولج الاجر بالعمل التطوعي انشاءالله وهمن تشغلين وقتج بالصيف :)
TaZmaNiA
الله يعافيكم ياارب ..
نورتوآ بلوقي
يعطييج العافية
والله يوفقج يارب
Made n Q8
الله يعافييييج
ويوفقج يارب ويوفق الجميع
يا حلو اياام التطوع
والله زين تسوين
منها تساعدين الناس
و منها تشغلين وقتج بشي يفيد
تحياتي
مساء الخير
كرمال عيونك
وينج من زماااان ما شفنا يديدج !
كل سنة وانتى طيبة يا قمر
عيد سعيد عليكي وعلى اسرتك
إرسال تعليق