I'm Back

يــآت فتره الكل هاب هبه على تشيليز يجربون مولتن كيك

وانا حدي غبار رحت من اسبوع وجربتها

مدري ليش حسيت طعمها عاااادي

جنه كيك جاهز كاكاو وداخله كاكاو سايح واسكريم

مول ما كملتها

اظن كل البنات مب عشان طعمها عشان شكلها يصورون خخخ

ساعات آلاقي صور آكل فن وذوق وتنسيق

وتعالوا على الطعم مول استغفر الله مخرب منظر الأكله

وكل واحد وذوقه =)

هذي طريقة شاي الضحي ,و Fishah

مــولــتــن كــيـك

مولتن كــيك *

جربوها ..

متأكده طعمها احلا من إلي أنا مجربتها

..

من فترة جربة اسجل بياناتي ب موقع بعثات لـ برع البلاد

بس مب أي دوره , هذي دورة لمدة شهرين وبالكثسر ثلاث نكسب لغة

المهم شفت وايدين مسجلين فيها اغلبيتهم سعودين

وعلي الساعه 4 اشوف رقم 04 فتح خط دبي

طن طاق

ألو هلاو

طاق طن

وكألعاده كثر ما كنت فرحانه + كثر ما وصلتني احباطات هدت حيلي
انا مب غبييه .. اعتقد ما انتبهت عدل للبنود

(البعثه كلها على مصروفي بس هم عليهم يرتبون حقي كل شي واي دوله اختارها)

مب مشكله

بس الي قهرني

كل الي حواليكم معارض .. بإمكاني اقول خلاص ماراح اروح ويتسكر الموضوع مش داعي نكبره

لااء لازم نبدي الرآأي .. عاد سمعوا

.. شلون بيوم وليلة وافقوا على البعثه .. شلون جييه .. لا والله بروحج .. تستهبلين .. عطينا بنتأكد و و و .. ) < هيه عادي متعوده على كلام الاهل

وهم بعد مب مشكله

لاكككـن ..

انه وحده عزيزه عليج بعد ما كانت دارسه وعاقلة وفاهمة وتشاركج كل همومجوعللج وتعرف شو الحين يصير بالدنيا تقعد تتفلسف هذي بحدها إحباط , وتقولي عن القيم والعادات وانه البنت حرام تسافر بدون محرم وانه وانه .. احترمت وجهة نظرها لأنها أكبر عني

قلت يمكن تخاف عليه بس ليش حسيت الثقه مععدومه بعد ما كان العيش والملح من بينا . .

لين متي استلسلم لواقعنا الي حارم البنت من كل شي والولد لا قالوا له غاز بيغازل ولا همه حد ..

اظن نعرف ربنا ونعرف رسولنا والي تبي تمشي بتمشي عندها طريقين , يا تمشي سييده يا تمشي عووي

وعلى فكررره نص اهل امي وابوبي درسوا برع .. بس عليه انا بيطبقون القيم

المهم خليتها تتكلم من اول للأخره وعلى النهاية قالت استخري والله يوفقج

بعد هالكلام اظن وحده مستحيل تسافر و ما اظن والله وحده بتسافر وشي حاز بخاطرها من حد

 

..

 

هذا موضوع قريته من فتره

وكان فيها تناقض من الخاطر بين الطرفين

سؤالي ( احنا كلنا سواسيه ) ,, وكلنا نخطئ وخير الخطائين التوابيين ولله الحمد

بس ليش الردود تظلم البنت وخاصتا من الطرف الاخر ؟؟

آظن كلنا عدنا اخوات وامهات وبنات خاله وبنات عمه الله يعافيهم ويطول بعمارهم

في منهم متربية صح وتعف تعامل مع الناس بأسلوب راقي

لكن في منهم مالها امل في الحياه .. ويمكن (انت الرجل) قابلت هالنوع وايد

على قولة خالي بقتبس كلامه :[انا عشت في بريطانيا سنه تقريبا .. انزين الفرق الي شفته بين العرب والاجانب

الفرق انه الريال اتعود انه يجذب عسب البنت اتكلمه .. لكن في بريطانيا الشباب والبنات ما يحتاجون يجذبون عبض

فبختصار

الرياييل من داخلهم يحبون يسولفون مع البنات وياخذون ويعطون معاهم .. لكن عاداتنا وتقاليدنا ما تسمح

 بس الشباب يبون وعسب جي يجذبون]

بس مع هذا كله .. مب كلهم نفس الشي .. لازم نحط تحت مب كلهم خط احمر

هيه .. لأنه البنت عودتهم انه ما تعطيهم وجه الا اذا جذبو ..

وهذي الصراحه

..

 

 

مره من المرات دشيت منتدي لمشاكل الاجتماعيه

وكان رد من ردود وحده على الموضوع

[شنو هاللفلم الهندي المدبلج
مسكــــــــــينه يختي مصدقه كلامه؟؟ شكلج على نياتج واول مره تحبين

حبوبه سوي له اختبار وقولي انا راضيه فيك وبعيوبك وحتى لو كنت خاين راضيه فيك وابي أ أجل دراستي عشانك

ابيك تدز اهلك حق اهلي ويخطبوني,,, طبعا بعد ماتختبرينه بهالكلام راح تشوفينه يتهرب او ينحاش مره وحده لوول

هني راح اتعرفين ان اهو كان يلعب عليج ويمثل دور العاشق الولهان ههههههه

الله يوفقج حبوبه]

اصدمتنييي والله  ..

ليش العادة البنت جم مرة تحب عشان تقولين شكلج على نياتج واول مره تحبين ؟

يعني لازم تكون خبره فالشباب عشان تميّز ؟

غريب اني اعرف بنات مالهم فهالسوالف وصعب ينجاب راسهم

فلما نقول على نياتج معناها تقصدين انها صيد سهل
الله المستعان !

.

.

بغير دزاين الموقع يمكن تتغير نفسيتي من ادخل المره اليايه

الساعه الحين 4:45 الفير .. وصارلي ساعه وشي اتلعلع

الموهم انا كان ودي من زمان ارجع اطقطق بالمدونه

عندي وااايد اشيا اقطها اهنيه  .. احس مزنووءه ههه

بس كل واحد وظروفه الي تكسره

و الله العالم اليوم انا عندكم وباجر اكون تحت التراب

سامحوني على القصور

احبكم =)

لي عودة قوية ان شاء الله

^^

الليله غير اللياالي :$

10 \ 2 \ 2011

كل عام وانابألف خير

:*

جزاء المعروف سبع كفوف , (:

الطيب بهالزمن ضايع والخبث ما شي هالايام الله يكافينا منهم
انا طيبه وبسرعه ينقص علي أصدق الناس بسرعه
لاني ما احب اجذب على احد علشان جذي عبالي الكل نفسي
وشكثر نقرصت بس ماكو فايده بوطبيع ما يوز عن طبعه
بس الحمدلله الي صار لي منهم موقف قمت احااااااااااول اخذ حذري منهم
الله كريم , هذي الدنيا
بس انا عندي مبدأ كما تدين تدان يعني الي اذتني بيلها يوم راح تندم والي سوته فيني راح يصير فيها من غيري
وهالزمن يبي المنافق والجذاب بصراحه هذا اللي انا اشوفه اهم عشتوا الناس تمدحهم على شنو بس كلها صفات رديه
لان الطيب دايم يدورون الزله عليه
والظالم دوم يستغل هالطيبة
وتصير قضيه بس المنافقين عادي افعالهم الشينه بهالوقت صارت ميزه ومايواجهون مشاكل سبحان الله
والطيب الله يكون بعونه بس ماعليه
 الله لايبلانا باجر ورانا حساب والمنافقون بالدرك الاسفل من النار جنتهم صارت بالدنيا والحمدالله الله بلانا بالطيبه مو بهالصفات الرديه لان الله سبحانه اذا حب عبده ابتلاه وانشالله الله يرزقنا على نياتنا

العمل التطوعي

4\7\2010

اليوم اول شغل حقي فالمستشفي

وهذآ جدولى

وصلت انا ونادين على الساعه 8 جريب  التسع  ، دخلنا مكتب المشرفة مريم ~ أخت ارفيجتي فالكلية

فرحانيين والابتسامه شاقه الويه

نقولها اكيد احنا اول ناس

قعدت تضحك كان خوش انطباع من اول يوم ههه

حبايبي انتوا وايد متأخرات وارفيجاتكم وزعناهم على المكاتب والاقسام

وبدوأ الشغل @@ !

قعدنا نستسمح منها وجيه وونقط كلمتين نقردنهأ ههه

وحليلها طيوبه وعسوله وحبوبه مع الكل

فـ قعدت تشرح لنا كيف بيكون اول يوم لنا  ، وانه شغلنا وايد حساس ويباله سريه تامه

وخاصتا الناس الى بنتعامل وياهم أنواع ( ناس كويسين وحلوين \ ونآس ودهم يعطوك اصطارين على الويه  )

و بعد الشرح كله عرفتنا مريم على الاقسام الادارية

ونادين بيكون شغلها مع سكرتيرة المدير \ وعلى قولتها

الكل وياها طيبيين ويساعدونها ومدلعينهآ على الاخر

اما انا بيكون شغلى فخدمة العملاء ، مثل : تصديق الاجازات المرضية

طباعة تقارير الطبية و نرد على استفسارات المراجعين

وتسجيل مواعيد المرضي والمراجعين للعياداة الخارجيه

واستلام رسوم الطابع المالى :)

اربع بنات وياي فالقسم الى انا فيه

ام محمد مشرفتي فالقسم و حورية و فاطمة و سميرة

فديتهم والله حسسوني مو غريبه عليهم

وقت الريوق يحلفوني الا أكل وانا اقولهم مأبا مابا < ولا انا ودي اول وحده تبلع عنهم الاكل

ويضحوك ويتغشمرون ويعلقون على كل حبه حبه

اهم شي يتونسون وينسوا تعب الشغل عليهم

مرت عليهم مديرة مركز المعوقين وقعدت فالقسم ويانا

سوآلف عليها ههه وحليها قعدت توصيني بعد ما اخلص كلية اشتغل وياهم

عطتني امـل وايد حلو على قلبي و ان شاء الله مآ يتغير :)

وفمناسبة اني بعدي اول يوم وما اعرف الشغل

علموني شوي شوي عشان استوعب كيف يكون شغلى منظم ودقيق

مممم مروا عليه مراجعين مثل العسسل و في منهم الله يستر عليهم انطباعهم كلش مو لايق

واحنا ما نعتب على كبار السن ولا الصغاريه \ العتب على شبابنا وبناتنا المتعلمين والواعين 

حلاته الواحد يكون بأسلوبه راقي ومهذب مو يقط كلمتين تعكس شخصيته من داخل

الموهييم

دوام المتطوعات يخلص 1 الظهر عكس الموظفات لين الساعه 2 ونص

اتصلت للسوآق قومتة بعز شخيره خلييته يمر عليه بنهاية شغلى

رجعت البيت سبحت وصليت وتغديت و قعدت ويا اهلى اقرقر وقرض واقولهم عن المراجعات الى موصيني اسلم على الوالده

هههه والله يوم مآ يتعوض

تسدحت على الشبريه وانا افكر لبعد سنه مو لباجر

قاعده اخطط ان شاء الله السنه اليايه بتطوع وين

اهـم شي استغل اجازتي بشي يفيدني لجدام

و اجمع كم شهادة وآعلقها بالغرفه ههه

  لين الله يفرجها واتخرج على خير

و اشتغل بدون واسطه

.. ســـــر !

السلام عليكم ..

بقولكم موقف صآرلى اليوم الظهر :)

مأدري احسه غريب لـي \  أما لكم i dont No

الله يسلمكم  لعبة ويآ ارفيجتي لعبة فآلمسجات طبعآ

 و الى هيه آختار من 1- لكذآ

فاخترت الرقم ابيه وظهرلى ( قولى سر من أسرارك )

رديت عليهآ بدون تفكير : عندي أسرار وآيد خليني بختار لج وبرد عليج

< امووت بالثقه ههه  

فلما قعدت بيني وبين نفسي والطوفه

قلت عآد فبألى ويآ هالوهقه

 شو السر الى مو قادره اقووله لأحد

@@

   ادووووور

و ادووووووور

وادووووووووووور

وصج قاعده ادوووووور

أحس مآ لقييت فراسي شـي

قلبي صآر مثل الكتأب المفتوح

يأتني فتره صج ادس كل الى يضايجني

بس هآ ما أسميييه أبداّ  ســر

معقوووله :(

المهم

رديت عليهآ : سري الصغير انه ودي اعيش بروحي

ضحكت قالت هآ مو سـر .. واعذرتني

سؤآلى 

انت \ انتي

 شنو هـو  سـركم ؟ < ملقوفين هه

واذا مثل حآلتى  <~ تعتقدون انكم غأمضين أو معقدين  

و شي طبيعي بين الثقه والسـر علاقة   ممم اذا انتوا عندكم رأي ثأني قولوه

ويعطيكم العافيه

معرض القأدمون

افتتح الشيخ عبد الله بن سالم القاسمي نائب حاكم الشارقة في بيت السركال بمتحف الشارقة للفنون بالشارقة القديمة، معرض” القادمون” الذي نظمته إدارة الفنون بدائرة الثقافة والإعلام بالشارقة، بحضور عبد الله العويس مدير عام الدائرة والفنان هشام المظلوم مدير إدارة الفنون بالدائرة.

“القادمون” معرض جماعي ضمّ 358 عملاً تشكيلياً لـ258 من الطالبات والطلاب المنتسبين لمعهد الشارقة للفنون ومراكز الفنون التابعة لإدارة الفنون في مختلف أنحاء الإمارة ومركز الخط العربي، حيث تشكل الأعمال نتاج السنوات الأخيرة للمنتسبين إلى هذه المؤسسات.

وبحسب إحصاءات دائرة الثقافة والإعلام فقد بلغ عدد المشاركين في المعرض 112من معهد الشارقة للفنون، و55 من مركز الشارقة لفن الخط العربي، و36 من مركز خورفكان، و27 من مركز كلباء و28 من مركز دبا الحصن، بإجمالي 258 منتسبة ومنتسباً، ينتمي الطلبة إلى 25 دولة هي: الإمارات العربية المتحدة، ومصر، العراق، سوريا، فلسطين، الأردن، لبنان، تونس، اليمن، البحرين، سلطنة عمان، السودان، اليابان، ألمانيا، إيطاليا، روسيا، الأرجنتين، النرويج، كندا، باكستان، إيران، الهند، جزر القمر، كوريا، وأوزباكستان.

وفي الوقت نفسه، يكشف المعرض عن أنه من الممكن للفن أن يكون معبراً عن الأفراد، عن أشواقهم العليا أو تطلعاتهم إلى المستقبل، بمعنى ما، أو ذكرياتهم وماضيهم، وهذا الأمر يستشفه المرء من حضور هذه التنويعة الهائلة من التخييلات الفنية، غير المتوقعة أحياناً، والتي تجعل الناظر إليها يتعايش معها بطريقته الخاصة على الرغم من أنه محاط بهذا العدد من الحضور غير المعهود في الكثير من الأحيان .

( هالبوستر المفروض انزله بعد هالتاريخ 24/02/2010 )

صج غبآر .. بس حبيت اوضح لكم كل هاليوله

انهم رشحوني بهالمعرض 

كعضوه مشاركه فيه

هذا الكتيب للمعرض حده حلوه ومرتب

عارضين لكل من الفنانين المشاركيين شغله

واسمآءهم ومن وين و كم شغل  له ، و جي

فوقتها صار شي انصدمنا  كلنأ خلاص واصلين المعرض

وهو وفاة الشيخ \ مبارك بن محمد ال نهيان   الله يرحمه

فأعتذر حأكم الشارجة الشيخ صاحب السمو  الدكتور سلطان بن محمد القاسمي

انه يحضر المعرض

فمآ قدروا يوقفون كل شي ولا يأجلونه
لأنه هذا المعرض مره بالسنه يسوؤن وفوقت محدد

وفنانين من خارج الدوله يحضرونه
فكان بديله الشيخ عبد الله بن سالم القاسمي

الى هو زوج زينب العسكري

اول مره بحياتي اشوفه

وما شاء الله احسه من الناس الى تشوفون الشخص وترتاحون له

نظراته مب شايف نفسه ولا انه يحقر ويروح

بالعكس من وقف يشوف الأعمآل

قعد يسأل كيف وشلون

شي حلو ، شي طيب

( صور المعرض كلهآ ويا ارفيجتي فبنزل كم صوره انا مصورتها من فوني )

تلفزيون الشارجه

الى ورآ الشيخ استأذنا محمود من يعصب يولع هه

وحرمته الى لأبسه سكأرف احمر

( برأويكم شغلنآ فالمركز )

خزف بعمل الأستاذ محمود .. هآصوره قبل لا تدخل الفرن عسب يتماسك الطين ويا بعضه 

..

الصوره الى بعديها

 جزء من شغلى آنا .. و انعرض الحمدالله

 

مكتوب كلمة ( هو الله )

وهذأ شغل حبيبتي شوكوه

 

 

هالكوبين شوكو واختي سشكلوه  فالمركز

الى خشمه مدقوق على اليسار شغل اختي

والى شعره طايره على فوق شوكو ههه

صورة من الكتاب .. رسمآت الاستاذه سمأح 

..

والله يسلمكم هذأ عفش المركز

ادري شكثر وسخ ويباله

وأخيراَ قبل لأ أختمها

كلمتين من أختكم كرموله

انا دشيت هالمركز و صبوعي لا تعرف ترسم ولا تبدع

سبحأن الله كيف وصلت لفووق هالشي للحين اجهله 

بس الى عرفته

 كل وأحد فداخله جوهرة

فـ أتمني تلأقونهأ و تستغلونهأ فأشي الـعدل

 

 

اذا هانت عليك الايام من غير ما تسمع صووتي

بيهون عليك الحال لين ما تسمع خبر موتي

..

{ صم بكم عمي فهم لايرجعونّ } ..

((ثم قست قلوبكم من بعد ذلك فهي كالحجارة أو أشد قسوة وإن من الحجارة لما يتفجر منه الأنهار وإن منها لما يشقق فيخرج منه الماء وإن منها لما يهبط من خشية الله وما الله بغافل عما تعملون))

الحجارة هي من الجماد ,., والبشر من علوم الاحياء

الحجاره تفوقت على العباد,.,وانتم بلا مشاعر ولاحياء

لماذا لاتخشون يوم الميعاد,؟,لهذه الدرجه أنتم اقوياء؟؟

.

((تذكر,.,ان الماء قد تعكر,., واحساس الناس قد تهكر,. والقبيح اصبح يقال له سكر))

((تذكر حرارة الشمس في الظهيره,., وسوف تعرف كم النار هي شديدة))

في الحقيقة انا استغرب من كثير من الناس متواجدين في هذا الموقع

واحب اقولهم الطيور على اشكالها تقع وما طار طير و ارتفع الا ووقع

..

((صم بكم عمي فهم لايرجعون))

لماذا لما تشاهدون الغلط تخرسوون؟

او لماذا على حدوث الشر تساعدون؟؟

لماذا حينما تشاهدون اعراض البنات بالمديح تهتفون؟

ولماذا اذا قلنا هذا غلط او لايجوز اصبحت كالكلاب تنابحون

لماذا تستسهلون اعراض الناس واعراض خواتكم لاتبيحون؟؟

.

...,.,وظيفة اللسان .,., للخير والذكر

ليست لأغتياب الناس ,., او لفصح المعاصي والفخر

.

هل لديك عينان

ولسان وشفتان؟

فأين انت ياانسان

عن الرحمن؟؟؟

فبأي الاء ربكما تكذبان

.

حاول ان تساعد الناس قدر المستطاع

فأنهو سوف يأتيك يوم لتكون بين يدي المطاع

..

جزء من الحالات النفسية لدي الرجال ههه

.

.

ليتڪ تدأأريني ۈتحس ياقاسيّ

آنآ مآبيك ~ تعطيني . .

كثر مآعطيك يالقآسي !

وكل اللي بغيه بس ُ تقدر موقفـي مره ! . .

:

آنآ دآيم على ذكرآك . . آعيش بحرقه آنفآسي ~

يمر يومي مثلٌ آمسي وآقول يمكن يحس [ بكرهٌ ]

:

كرمولـﮧ

█║▌│█│║▌║││█║▌│║█║▌

♥